• Magdalena Margrét Jóhannsdóttir

Fræðslufundaröð á Heilsugæslur - Þvagsýrugigt og Aburic




Síðastliðnar vikur höfum við staðið fyrir sérstakri fræðslufundaröð á heilsugæslum landsins. Langflestar heilsugæslur sem þáðu fundarboð að þessu sinni voru á höfuðborgarsvæðinu en einnig var fundað með hjálp fjarfundabúnaðar á Akureyri og í Vestmannaeyjum.


Í þessari fræðslufundaröð var fjallað um þvagsýrugigt og möguleika í meðhöndlun. Williams & Halls setti á markað xanthínoxídasa hemilinn Aburic (febúxóstat) í byrjun árs 2020 en sökum heimsóknatakmarkana vegna Covid-19 gafst ekki tækifæri til að kynna lyfið fyrir læknum á þeim tíma. Því nýttum við tækifærið og kynntum lyfið í þessari fræðslufundaröð.


Fundaraðir sem þessi eru partur af nýrri fræðslustefnu Williams & Halls. Til viðbótar við fundi á heilsugæslum höfum við m.a. stórbætt aðgengi að rafrænu fræðsluefni, blásið lífi í fræðsluheimsóknir í apótek á ný auk þess sem nýjar leiðir verða farnar í þeim tilgangi að fræða samstarfsaðila og viðskiptavini okkar á komandi misserum, en meira verður fjallað um þær leiðir síðar.


Við hvetjum áhugasama, sem ekki gátu nýtt sér nýyfirstaðna fræðslufundaröð, til að hafa samband og bóka fund fyrir sína stofnun. Við þreytumst svo sannarlega ekki á því að hitta aðra heilbrigðisstarfsmenn og tökum fagnandi á móti öllum fundarbeiðnum.


13 views0 comments